بەکارهێنەری خۆشەویست، لاپەڕەی ئێمە لە ئینستاگرام فۆڵۆ کەن بەستەری لاپەڕەی ئینستاگرام
بەکارهێنەری خۆشەویست، بۆ زیاتر دەستپێڕاگەشتنی ئێوە، کەناڵی تێلگرامی ئارژین میوزیک دەستی بەکار کردووە، لە ئێستا بەدواوە ئێوە دەتوانن گۆرانییەکانی خۆتان لەوێش دابگرن. بەستەری کەناڵ

زانیارییەکان لەسەر شێعر

  • قاڵب : غەزەڵ
  • زاراوە : کرمانجی ناوەندی

دەقی شێعر

ئەی شەوقی گەلاوێژ
ئەی شەوقی گەلاوێژی بەیان نووری نیگاھت!
ئەی عەتری سەبا بۆی نەفەسی زوڵفی سیاھت!
ئەی حوسنی تولووع وێنەیەکی فەیزی حوزوورت!
ئەی حوزنی غورووب ڕۆژی ڕەشی دووریی تەباھت!
ئەی کۆشک و سەرای باغی بەھەشت مەیلی سەوابت!
ئەی ئاگری دۆزەخ شەرەری خەشمی گوناھت!
ئەی عیففەتەکەت داغی حەسەد بۆ دڵی جیبریل
ھەر بۆ ھەوەس و عیشوەیە خۆ لارە کولاھت!
چۆن مەحکەمەیی عەشق نەدا حەق بە جەمالت؟
خەندەی لەبی مەعسوومە ئیفاداتی گەواھت!
وەک بلبلەکەی فەجری ئەزەل ویردمە ئەی یار:
بۆ ئەو گوڵە وا خەڵقی ئەکا حەمدی ئیلاھت!
بێ عەشقی ھەوای پاییزە بۆ قەلبی فسردەم
ئەی ڕۆژی بەھار مەرحەمەتی تینی پەناھت!
بێدارییەکەم زوڵمەتی شەو بردی قەراری
تۆ و زوڵفی پەشێو، دەربخە سا چیھرەیی ماھت!
ئەستێرە ھەموو داغی سەمای سینەتە «گۆران»
ئەی عەرشی عەزیم ناڕەحەتی دووکەڵی ئاھت!

بەستەرەکان بۆ داگرتن

بۆچوونەکان

یەکەم کەس بن لە نووسینی ڕای خۆتان

Your email address will not be published. Required fields are marked *